59 ) మున్నా గాడి దీపావళి

 మున్నా గాడి దీపావళి 

--------------------------------

ఆ రోజు స్కూల్ కి నాలుగు రోజులు సెలవలు అని ప్రకటించారు . దీపావళి కి అని రెండు రోజులు ఆ తరువాత శని ఆది వారలు కావటం తో వరుసగా నాలుగు రోజులు సెలవలు ప్రకటించారు

పిల్లలు అంతా ఆనందం తో అరుస్తూ గేట్ బయటకు వస్తున్నారు మున్నా మాత్రం తన తల్లి నేర్పిన బలవంతపు డిసిప్లిన్ మూలంగా తన సంతోషాన్ని వ్యక్తం చేయకుండా నడుస్తున్నాడు .

మరుసటి రోజు దీపావళి కావటం చేత ఇంటి చుట్టుపక్క పిల్లలు ఆ రోజు నుంచే టపాసులు కలుస్తూ ఆనందిస్తున్నారు .. అది చూసి మున్నా తాను కూడా ఆలా కాల్చి మజా చేయాలనుకున్నాడు కానీ తన తల్లి నేర్పించిన క్లాస్ హ్యాబిట్స్ మూలంగా .. చుట్టుపక్క పిల్లలతో కలవకూడదు మనం వేరు వాళ్ళు వేరు అని ముద్రించుకు పోయి ఉండటం చేత .. ఇంట్లోనే బుక్ పట్టుకు కూర్చున్నాడు

తీరా దీపావళి రానే వచ్చింది . ఆ రోజు రాత్రి వాళ్ళ అమ్మ అందంగా ముస్తాబు అయ్యి దీపాలు అలంకరించటం లో నిమగ్నం అయ్యింది .. కానీ మున్నా మనసులో ఏమి ఉందొ తెలుసుకోవాలని అనుకోలేదు ..ఎప్పటిలాగే కన్స్ట్రక్షన్ సూపర్ వైసార్ గా పని చేసే వాళ్ళ నాన్న పండగ రోజు రాత్రి అయినా ఇంకా పని నుంచి ఇంటికి రాలేదు ..

వాళ్ళ నాన్న ఏయ్ టైం కి వచ్చిన మున్నా కి పట్టింపు లేదు కానీ .. దీపావళి రోజు అందరు .. ఆలా టపాసులు కలుస్తూ ఉంటె చూస్తూ కూర్చోవటం చాల ఇబ్బంది గ ఉంటుంది మున్నా కి ... ఆ విషయం వాళ్ళ అమ్మకు కానీ వాళ్ళ నాన్నకు కానీ పట్టదు ..

మరి తన బాధను ఎవరికీ వ్యక్తం చేయాలి ..

రాత్రి తొమ్మిది దాటాక వాళ్ళ నాన్న టపాసులు , స్వీట్స్ తో ఇంటికి వచ్చాడు ... 

ముభావంగా కూర్చున్న మున్నా తో "రా రా కాల్చుకో "..అన్నాడు ...

ఒక్కసారి గబగబా వచ్చి ఆ టపాసులు ఉన్న కవర్ ని విసిరి అల్లంత దూరాన విసిరేసాడు ..

అనుకోకుండా జరిగిన ఆ హఠాత్ పరిణామానికి అమ్మ నాన్న ఇద్దరు ఉలిక్కి పడ్డారు ..

వాళ్ళ అమ్మ సరోజ కొట్టటానికి చేయి ఎత్తింది " కొడతావు అంతే కదా" అన్నాడు మున్నా

వాళ్ళ నాన్న దగ్గరికి వచ్చి "ఏమైంది రా నాన్న ఆలా విసిరేసావు " అన్నాడు 

"లేకపోతె ఏంటి నాన్న ప్రతి సంవత్సరం ఇంతే ...దీపావళి అని ఎంతో ఆత్రుత తో ఎదురు చూస్తాను .. కానీ మీరు దీపావళి అయిపోయాక వస్తారు .. పోనీ ఫ్రెండ్స్ తో వెళ్తాను అంటే వేళ్ళ నివ్వరు .. చుట్టుపక్కల వాళ్ళు అంత ఆలా ఎంజాయ్ చేస్తుంటే నాకు మాత్రం ఉండదా ...నేను ఆ ఆనందాన్ని అనుభవించాలని ...పోనీ మనకి ఏమైందా డబ్బు లేదా అంటే బోలెడంత ఉంది ...లేనిదల్లా మనసే ..." అన్నాడు .

దానికి వాళ్ళ నాన్న వాడిని గట్టిగా పట్టుకొని ... "నీ మనసు అర్థం చెస్కోలేకపోయాం నాన్నా..ఈసారి నుంచి ...మనం రెండు రోజుల ముందు నుంచే దీపావళి చేసుకుందాం సరేనా " అన్నాడు ...వాడి కంట్లో నుంచి రెండు కన్నీటి చుక్కలు కారాయి ...

#harishsworld

Writer Harish Babu 9902015746