సారీ ..నాకు గుర్తు రావట్లేదు ..(కథ )
******************************************
హబ్బ. !!! ఇవాళ ఫ్రైడే . కాస్త రిలాక్స్ అవచ్చు అని తన ఆ వీక్ వర్క్ అంతా ముగించుకొని లాప్టాప్ మూసేసి బెడ్ పైన వాలాడు ప్రశాంత్ ..
ఎంత సేపు కళ్ళు మూసినా నిద్ర పట్టక పోయేసరికి ఫోన్ తీసి ఎవరికీ కాల్ చేద్దామా అని
కిరణ్ కి ఫోన్ కలిపాడు
మూడు సార్లు రింగ్ ఐంది కానీ ఫోన్ లిఫ్ట్ చేయలేదు కిరణ్
సరే అని మెసేజ్ పెట్టాడు "కాల్ మీ బ్యాక్ " అని
కిరణ్ తన జాబ్ వదిలేసి ఈ మధ్య ఖాళీ గానే ఉంటున్నాడు.. ఎపుడైనా ఫ్రీ టైం ఉన్నపుడు ప్రశాంత్ కాల్ చేస్తే వచ్చి కలిసే వాడు ..
కాల్ బ్యాక్ అని ఇచ్చినా రెండు రోజులైనా రెస్పాన్స్ లేదేంటా అని అనుకున్నాడు ప్రశాంత్
ఒక రెండు నెలల తరువాత మళ్ళి కాల్ చేసాడు ప్రశాంత్ కిరణ్ కి
కానీ మళ్ళి ఎత్తలేదు ....కాల్ బ్యాక్ చేయలేదు
అలా దాదాపు ఆ రోజు ఒక పదహారు సార్లు ట్రై చేసాడు కానీ కిరణ్ ఫోన్ ఎత్తలేదు తిరిగి చేయలేదు
కానీ ఒక రోజు అనుకోకుండా ఒక సూపర్ మార్కెట్ ఎదురుంగా కలిసాడు కిరణ్ ని
"అరేయ్ ఏంట్రా ఎన్ని సార్లు ఫోన్ చేసిన లిఫ్ట్ చేయలేదు "
అని అడిగితె
"అవునా నాకేం కాల్ రాలేదు రా" అని చెప్పాడు కిరణ్
"సరే " అని ఇంకా ఎక్కువ వాదించటం అనవసరం అని అనుకోని ఇంటికి వచేసాడు ప్రశాంత్
మా ఇద్దరి మధ్య ఏ గొడవ లేదు ..ఏ మనస్పర్థలు లేవు మరి కాల్ లిఫ్ట్ చేయక పోవటానికి .. కాల్ బ్యాక్ చేయక పోవటానికి గల కారణం ఏమి అయి ఉంటుందా అని అనుకున్నాడు ప్రశాంత్
------------
రోజులు మెల్లగా దొర్లుతున్నాయి ..వారలు నెలలు గా ,నెలలు ఏళ్లుగా గడిచి ఆరు ఏళ్ళు గడిచాయి ..
కిరణ్ బాగానే జాబ్ లో సెటిల్ అయ్యాడు అని తెలిసింది .
కానీ ఇప్పటికి నాతో టచ్ లో ఉండట్లేదు అని తెలుసుకున్నాడు ప్రశాంత్
ప్రశాంత్ ఒకరోజు తన రూమ్ ఫ్రెండ్ వినోద్ తో ఒక పెళ్లి లో భోజనం చేస్తున్నాడు ..
ఇంతలో "హాయ్ రా ప్రశాంత్ .." అని ఎవరో పీల్చినట్టు అనిపించి వెనకకు తిరిగాడు
తిరిగి చుస్తే కిరణ్ ..
వెంటనే "ఏంట్రా కిరణ్ ...ఎన్నిసార్లు ఫోన్ కూడా చెయ్యట్లేదు ... " అని చాల చాల అడిగేయాలని అనుకున్నాడు ...కానీ అలా కాకుండా
"హాయ్ ఎవరూ ...సారీ గుర్తుపట్టలేదు .." అన్నాడు
"నేను రా సాయి కిరణ్ ని ..."
"నేను నీకు తెలుసా..."
"అవును రా ..మేము టీచర్స్ కాలొనీ లో ఉండే వాళ్ళము కదా ..గుర్తుపట్టలేదా "
"ఓహో ...అవును ఒక ఫ్రెండ్ ఉండే వాడు ..ఆ నువ్వేనా ...ఇంతకీ నీ పేరేంటి .."
ఇదంతా వినోద్ వింతగా చూస్తున్నాడు
"సాయి కిరణ్ ..రా !"
"ఓకే ...ఏమో డోంట్ మైండ్ ...ఇంకా నేను నిన్న గుర్తుపట్టలేదు..చెప్పు ఏంటి పని..."
కాస్త ఖంగు తిన్న వాడిలా అయిపోయాడు కిరణ్
"ఎం లేదు మళ్ళి వస్తాను ..."అని చెప్పి అక్కడి నుంచి వెళ్లి పోయాడు..
వాడి వెళ్ళిపోయాక ప్రశాంత్ ని వినోద్ అడిగాడు ..
"అదేంట్రా వాడు నీకు తెలుసు కదా ...అలాగ అన్నావు ఏంటి"
"హ్మ్మ్ ......వాడికి మనం గుర్తు లేనపుడు ... మనని గుర్తు చేసుకోనప్పుడు .. మనము కూడా వాడిని గుర్తు పెట్టుకోవాల్సిన అవసరం లేదు ...
ఎన్ని సార్లు ఫోన్లు చేసినా ఎత్తనివాడు ఇపుడు ఎదో ఫార్మాలిటీ కోసం ఎందుకు అట ఈ పలకరింపు .....
... ఇక ఎప్పుడూ వాడు మళ్ళీ నన్ను డిస్టర్బ్ చేయడు ....
పద అక్కడ వెళ్లి ఐస్క్రీమ్ తీస్కుందాం..అని చెప్పి ముందుకు నడిచాడు ప్రశాంత్
#harishsworld
**** అది కథ ****
