హోమ్ టూర్... కథ
------
చదివింది బీటెక్ అయినా గవర్నమెంట్ జాబ్ వచ్చినందుకు చాలా సంతోషించాడు సతీష్
అలాగే ఒకసారి బెంగళూరు వెళ్లి పదిహేను రోజుల తర్వాత బాగా అలసిపోయి ఇంటికి వచ్చాడు
కాలింగ్ బెల్ రింగ్ అవటం తో డోర్ తీసి దిష్టిబొమ్మలా నుంచుంది భార్య సీత
'ఏంటి సీతామహాలక్ష్మి..... లోపలికి రానివ్వవా ఏంటి అడ్డంగా నుంచుని ఉన్నావు? " అంటూ చిరాగ్గా భార్యని తప్పుకోమని లోపలికి నడిచాడు సతీష్
అలిసిపోయిన సతీష్ అటు ఇటు చూడకుండా లగేజ్ బాగ్ ఆమె చేతికి ఇచ్చి డైరెక్టుగా బాత్రూంలోకి వెళ్లి ఫ్రెష్ అయ్యి హాల్ లోకి వచ్చాడు
ఇంటిని చూసి దిమ్మ తిరిగింది. ఇది మా ఇల్లా కాదా అన్నట్టు చూస్తూ ఉండి పోయాడు...లోపలికి వచ్చినప్పుడు గమనించలేదు ఇల్లంతా బోసిగా ఉంది ఏదో ఇంట్లో సామానంతా అమ్మి ఇల్లు ఖాళీ చేస్తున్నట్టుగా
"ఏంటి సీతా ఇంట్లో సామానంతా ఏమైంది" అడిగాడు సతీష్
ఇన్కమ్ టాక్స్ వాళ్ళు వచ్చి రైడ్ చేసి మొత్తం పట్టుకెళ్లారండి
"ఏంటే నువ్ చెప్పేది...ఇన్కమ్ టాక్స్ వాళ్ళు ఎందుకు వచ్చారు"
అది...అది.. అని..నసుగుతున్న భార్య ను
"త్వరగా చెప్పవే హార్ట్ ఎటాక్ వచ్చేలా ఉంది ...." అన్నాడు సతీష్
"ఏం లేదండి మీరు వెళ్ళాక నాకు టైం పాస్ కాక కొత్తగా స్టార్ట్ చేసిన యూట్యూబ్ ఛానల్ లో....
అందులో 'హోమ్ టూర్'.. అని ఒక వీడియో పెట్టి మన ఇంట్లో ఉన్న ఇంటీరియర్స్, ఎక్స్టీరియర్స్ అన్ని కలిపి ఒక వీడియో చేసి అప్లోడ్ చేశాను అది చాలా వైరల్ అయింది....
కానీ రెండు రోజుల్లోనే ఐటీ వాళ్ళు రైడ్ చేసారు ....వాళ్ళు ఉన్న వస్తువులన్నీ వాల్యుయేషన్ చేసి....
మీ భర్త శాలరీ తో కంపేర్ చేస్తే...ఇవి చాలా ఎక్కువ వాటికీ బిల్స్ చూపించి మళ్ళీ తీసుకెళ్లండి అని పట్టుకెళ్ళి పోయారండి" అని చెప్పింది
దానికి కంగుతిన్న సతీష్
" నీకు మైండ్ ఏమయినా పోయిందా .. నీకేమన్న బుద్ధి ఉందా ... హోమ్ టూర్ చేయడానికి మన ఇంట్లో ఏ వస్తువు అయినా వైట్ మనీ తో కొన్న వస్తువులను అనుకున్నావా..."
ఇవన్నీ బ్లాక్ మనీ. ఎక్కడ పెట్టాలో అర్థం కాక... ఈ ఖరీదైన ఐటమ్స్ కొని పెట్టాను.. నీ మైండ్ కి అది కూడా తెలియదు అనమాట.. నా కర్మ ...మొత్తానికి 4 రోజుల్లో నా సంపద మొత్తం మట్టిలో కలిపేశావ్ కదే " అంటూ తల బాదు కున్నాడు సతీష్ .. సోఫా లేదు కదా నేల మీదే కుల బడ్డాడు
"అదేంటండి మీరు ఎపుడు అడిగినా ...నా సంపాదన నా సంపాదన అనేవారు కదా..." అంటూ బుగ్గన వేలు వేసుకొని కళ్ళు మీటకరిస్తూ అడుగుతున్న భార్య వైపు బాధ గా చూసాడు సతీషు....
-- సమాప్తం ---
------------------------------------
