story 32 ) పెళ్లి పాట్లు.....కథ

 పెళ్లి పాట్లు.....కథ

====≠============

హరీష్

ఎన్నో పెళ్ళి చూపుల తరువాత మొత్తానికి తపస్వి ఒక ఇంటివాడు అయ్యాడు..... అంటే ఇల్లు కొనుక్కున్నాడు అని కాదు... సమీరా అనే అమ్మాయిని పెళ్లి చేసుకున్నాడు..

సమీరా బాగా చదువుకున్న అమ్మాయి..మోడరన్ గా ఉండి మంచి తెలివి తేటలు గల అమ్మాయి..

పెళ్లి చూపుల రోజే తపస్వి సమీరా తో అన్నాడు "మా వాళ్ళు తమ కోడలు జాబ్ చేయాలి అంటున్నారు కానీ నాకు మాత్రం ఇల్లాలు ఇంట్లో ఉంటే తను ప్రశాంతంగా ఉంటుంది అందరికీ ప్రశాంతత లభిస్తుంది అని అభిప్రాయం... ఆ తరువాత మీ ఇష్టం.. ఇంకోటి ముప్పై ఏళ్లు గా నన్ను ఎవరైనా "యావండి " అని పిలవాలని కోరిక..."

అని అంటూ తన భావాలన్నీ వెలిబుచ్చాడు.. ఇవన్నీ తపస్వి కీ చాలా ఆదర్శంగా అనిపించినా సమీరా కీ మాత్రం చాలా వెటకారంగా ఓల్డ్ ఏజ్ థింకింగ్ లాగా అనిపించింది..

అతను అంతా ఓపెన్ గా చెప్పాడు కానీ సమీరా నోరు మేధపలేదు... అమ్మాయిలు అంత ఇంతే నెమో...

పెళ్లి అయ్యాక... మొత్తానికి వారం రోజులు హనీమూన్ అయ్యింది అనిపించారు.... యాంత్రికంగా శోభనం కూడా ముగిసింది...

సమీరాకు కొత్త ఇల్లు కదా బెరకు ఏమో అందుకే ఓపెన్ గా మాట్లాడలేక పోతుంది...అనుకున్నాడు తపస్వి

సమీరా ఇప్పుడు జాబ్ చేయటం లేదు

పెళ్లి అయి నెలలు గడుస్తున్నా సమీరా లో ఏ మార్పు రాకపోవటం గమనించాడు తపస్వి.. మిగతా పనులన్నీ బాగానే చక్కపెడుతోంది... వంట, అంట్లు, బట్టలు, వగైరా కానీ తన విషయం లోనే నేను.. నువ్వు...లాంటి ఫీలింగ్ ఏ తప్ప మనం అనే ఫీల్ తన ప్రవర్తన లో కనపడలేదు...

నేను తనతో టైం స్పెండ్ చేస్తే ఫ్రెండ్లీ గా ఉంటుందేమో అని ట్రై చేసాడు... అది వర్కౌట్ కాలేదు.. ఇంకా తన స్పేస్ లో ఇతను ఎంతసేపు ఉంటాడు అన్నట్టు ఫీల్ అవుతోంది అని పక్కకు వచ్చేవాడు..

బుక్స్ చదివే అలవాటు ఉండటం వల్ల.... "Relationships" అనే పుస్తకం తెచ్చి చదివాడు...అందులో

"భర్త భార్య కీ ఎపుడు హెల్ప్ చేస్తూ ఉంటే భార్య హ్యాపీ గా ఉంటుంది " అని రాసుంది అందులో...హెల్ప్ అని రాసాడు కానీ ఏమి హెల్ప్ ఓ రాయలేదు...

సరే అని అంట్లు తోమి పెడితే... అంతా జిడ్డు జిడ్డు ఏ ఉన్నాయ్ అంది..

బట్టలు ఉతికితే సబ్బే పోలేదు అంటుంది ..

కూరలు కట్ చేస్తే ఇంత పెద్ద ముక్కలు కట్ చేస్తే ఎట్లా ఉడుకుతాయి అన్నది..

ఫోన్ తానే కూర వండితే... దీన్ని కూర అంటారా అంది.. తను బాగానే తిన్నాడు మరీ..

రోజు రోజు కీ సహనం చచ్చి పోయి అసహనం పెరిగి పోతోంది తపస్వి కీ..బేలగా అయిపోయి.... కన్ఫ్యూషన్ గా ఉంటోంది తపస్వి మొహం...

ఇదంతా తన వర్క్ లో కూడా ఎఫెక్ట్ అవుతోంది..

సబ్మిట్ చేసిన పనిలో అన్ని తప్పులే.. చేసే పని కరెక్ట్ కానీ అన్ని మిస్టేక్స్....

తనకి బాగా క్లోజ్ గా ఉండే తన మేనేజర్ ప్రసాద్ ఒక రోజు టీ కీ వెళ్దామా అని తపస్వి నీ తీసుకెళ్లాడు ...

"ఏంటి విషయం ఈమధ్య అన్ని మిస్టేక్స్ వస్తున్నాయి నీ వర్క్ లో.. హౌ ఐస్ యువర్ ఫ్యామిలీ లైఫ్.. అండ్ యువర్ వైఫ్.. అన్నాడు "

మొదట కాస్త తాటపటాయించినా తరువాత ఓపెన్ అప్ అయ్యాడు తపస్వి...

"హ హ హ అదా విషయం..చూడు తపస్వి మ్యారేజస్ మనం అనుకున్నంత సింపుల్ కాదు మనం అనుకునేంత కంప్లికేటెడ్ కాదు... మూవీస్ లో చూపించినట్టు భార్యలు ఏమి జోవిల్ గా సరదాగా ఉండరు...95 % భార్యలు ఇంచుమించు నువ్ చెప్పినట్టే ఉంటారు... వాళ్ళ కారణాలు వాళ్ళకి ఉంటాయి... నువ్ చూస్తూనే ఉంటావ్ కదా మేము వైఫ్ ఫోన్ చేస్తే భయపడి పోటు ఉంటాం... అది అలాంటిదే... యూ శుడ్ జస్ట్ లైవ్ విత్ ఇట్ "

తపస్వి: "అంతే అంటారా సర్ .. మరీ నేను వైఫ్ అంటే ఫ్రెండ్లీ గా... ఐ మీన్ గర్ల్ ఫ్రండ్ లాగా ఉండాలని...ఉహించుకున్నా కదా అందుకే ఏమో అడ్జస్ట్ అవ్వలేక పోతున్న "

బాస్ : " ఒకటి చెప్పు నీకు గర్ల్ ఫ్రెండ్ ఉండేదా... పెళ్ళికి ముందు... "

"లేదు "

" అది సంగతి... నాకు తెల్సిన ఫిలోసోఫీ చెప్తా విను...

ఒక మనిషిగా పుట్టాక...మనం తీపి, కారం, పులుపు, చేదు లాంటి షడ్ రుచులు ఎలా చూస్తామో

అలాగే జీవితం లో కూడా అన్ని రుచులు ఉంటాయి .. .. ఇంచు మించు అందరు భార్యలు అంతే ఉంటారు .. భార్య అనేది ఒక హోదా .. ఒక భాద్యత అని వాళ్ళు అనుకుంటారు .. గర్ల్ ఫ్రెండ్ అనేది ఒక ఫాంటసీ .. నీకు సైన్స్ సోషల్ అని సబ్జెక్ట్స్ ఎందుకు సెపెరేట్ చేశారు .. అన్ని ఒకే బుక్ లో ఇవ్వచ్చు కదా .. ఎందుకంటే దేనికి సంభందించిన ఆన్సర్ ఆ బుక్ లో ఉంటుంది .. నువ్వేమో అన్ని ఆన్సర్స్ ఒకే బుక్ లో వెతుకుతాను అంటున్నవ్ .. అదెలా సాధ్యం ..

" అర్ధం కాలేదు .. సార్ .. " అయోమయంగా అడిగాడు తపస్వి

"కాస్త మౌనంగా ఏకాంతంలో ఆలోచించు .. అర్ధం అవుతుంది .. అర్ధం అయితే మంచిది .. అర్ధం కాక పొతే మరీ మంచిది .. " నవ్వుతూ వెళ్లి పోయాడు .. ప్రసాద్