story 33 ) పెళ్లి చూపులు... కథ

 story 33 ) పెళ్లి చూపులు... కథ

===============

విక్రాంత్ కీ చాలా సార్లు పెళ్లి చూపులు జరిగాయి కానీ వేరు వేరు కారణాల వాళ్ళ ఏ అమ్మాయి తోను పెళ్లి కుదరలేదు . ఒకసారి అమ్మాయి నచ్చక..లేదా కుటుంబం నచ్చక.... లేదా మాట్లాడే పద్దతి నచ్చక.. లేదా..వాళ్ళ పేరెంట్స్ ఆరోగ్య పరిస్థితి బాలేక....ఆర్థిక పరిస్థితి బాలేక... ఇలా చాలా కారణాలు వల్ల కుదరలేదు....

చివరికి చారుస్మిత(స్మిత ) తో ఇతనితో పెళ్ళికి సరే అంది.... రెండు కుటుంబాలు సంతోషంగా ఒక నెల లో పెళ్ళికి ముహూర్తం పెట్టుకున్నారు..

పెళ్ళికి ఎక్కువ గ్యాప్ లేదు. విక్రాంత్ స్మిత నెంబర్ తీస్కొని... ఫోన్ చేసి ఒకటి రెండు సార్లు మాట్లాడాడు... బాగా మాట్లాడింది అనిపించింది...

కానీ ఎక్కువ సార్లు ఫోన్ చేసే సాహసం చేయలేదు...

కారణం.....తను విన్న వేరు వేరు వార్తలు కథనాలు ... తన ఫ్రెండ్స్ కీ ఉన్న అనుభవాలు.. దృష్టిలో ఉంచుకోనీ... పెళ్లి నెలలో ఉంది అనగా గంటలు గంటలు ఫోన్లో లో ముచ్చటించటం... ఆ వాక్ ప్రవాహంలో ఎదో అనరాని మాట అనటం... పెళ్లికూతురు హర్ట్ అవటం... పెళ్లి రద్దు చేసుకోవటం... ఇలాంటి రిస్క్ విక్రాంత్ తీస్కోదల్చుకోలేదు...

ముహూర్తలు పెట్టుకున్న రెండు రోజుల తరువాత... స్మిత నుండి కాల్ వచ్చింది ..

"మా ఆఫీస్ కీ రావచ్చు కదా... మా ఫ్రెండ్స్ కీ నిన్ను పరిచయం చేయాలి అని.. "

విక్రాంత్ ఆలోచించాడు... "ఎందుకు లే..మన పెళ్లి దగ్గర్లోనే ఉంది కదా.. పెళ్లి లో కలవచ్చు... పెళ్లి అయ్యాక ఎన్ని సార్లు అయినా కలవచ్చు లే" అని నవ్వుతు చెప్పాడు....

అలా రెండు మూడు సార్లు తన ఇన్విటేషన్ మీ సున్నితంగా తిరస్కరించాడు....

ఇక్కడ స్మిత ఆలోచన లో పడింది... నేను రమ్మంటున్నా రావట్లేదు.. ఏదయినా ప్రాబ్లెమ్ మనిషేమో.. శాడిస్ట్ ఏమో... ఇలా తన ఫీలింగ్స్ అన్ని ఫ్రెండ్స్ తో డిస్కస్ చేయటం మొదలు పెట్టింది ... ఇదిగో పులి అంటే ... అదిగో తోక అని ఫ్రెండ్స్ కూడా తన బ్రెయిన్ బాగా వాష్ చేసారు...

విక్రాంత్ తన ఫీలింగ్స్ చెప్పలేక మదన పడుతున్నాడు ... మన మ్యారేజ్ ఏక్కడ కాన్సల్ అవుతుందో అనే భయం తో నిన్ను కలవట్లేదు అని చెప్పలేని పరిస్థితి...ఎక్కడ చీప్ అవుతానో అని

వారం రోజులు గాడిచాయి.. స్మిత బ్రెయిన్ బాగా వాష్ అయిపోయింది... డెసిషన్ కీ వచ్చేసింది..ఇతనితో . పెళ్లి వద్దులే అని చెప్పాలనుకుంది... కానీ ఎలా.. పెళ్లి డేట్ దగ్గర పడ్తోంది..

వన్ ఫైన్ మార్నింగ్.... విక్రాన్త్ కీ స్మిత నుండి ఫోన్ వచ్చింది..

" విక్రాంత్ నీకు ఒక విషయం చెప్పాలి..నాకు ఒక బాయ్ ఫ్రెండ్ ఉన్నాడు... నువ్ ఎలాగో అలా ఈ పెళ్లి కాన్సల్ చేయి... " అని ఆ కాల్ సారాంశం..

తను ఎం జరగకూడదు అనుకున్నాడో... అదే జరిగింది.. విక్రాంత్ జవాబు ఇచ్చాడు..

" నాకు అదంతా తెలీదు... నువ్వే పెళ్ళికి సరే అని నువ్వే ఒప్పుకున్నావ్ గా...ఇపుడు కూడా నువ్వే ఇంట్లో చెప్పు... లేదంటే నేనే నిన్ను పెళ్లి చేసుకుంటా " అని ఫోన్ పెట్టేసాడు... ఎందుకో హీరో లాగా బిల్డప్ ఇచ్చి పోస్ కొట్టాలి అని అన్పించలేదు విక్రాంత్ కీ

తరువాత ఎం జరిగిందో తెలీదు కానీ వాళ్ళ పేరెంట్స్ యే ఒక రోజు...మా అమ్మాయి పెళ్లి వద్దు అంటోంది ఏమి ఫోన్ చేసి చెప్పారు..

విక్రాంత్ చాలా బాధ పడ్డాడు....

విక్రాంత్ కీ ఎప్పుడో విన్న పాత సినిమా డైలాగ్ గుర్తొచ్చింది

"జరిగేది జరగక మానదు

జరగంది ఎప్పటికి జరగదు అని.."

మరుసటి నెల... అద్దం లో చూసి తల దువ్వు కునీ రెడీ అవుతున్నాడు ...ఇంకో అమ్మాయిని చూడటానికి బయలుదేరుతున్నాడు మరీ ...