85 ) ఐదు వందల రూపాయల విలువ .. కథ
-----~~~~~~------
హరీష్ బాబు...
ఒక మిట్ట మధ్యాహ్నం వేళ.. కంపెనీ పని మీద బైక్ మీద డ్రైవ్ చేస్తూ చేస్తూ చాలా అలసి పోయిన నేను.. పంజాగుట్ట దగ్గర లోని ఒక రెస్టారెంట్ ముందు బైక్ అపాను..
బైక్ పార్క్ చేసి రెస్టారెంట్ మొదటి అంతస్తు లోకి వెళ్ళాను..
హోటల్ లో ఉన్న ఏసీ లో చల్లగా కాసేపు రిలాక్స్ అయ్యి.. బిర్యానీ ఆర్డర్ చేసాను.. ఎంత అంటే 500/- ఓన్లీ అన్నాడు వెయిటర్
"ఆమ్మో.. ఒక్క పూట భోజనం.. అది నా ఒక్కడి కోసం ఐదు వందలా."అనుకోని . హడలి పోయాను.. ఇంకో ప్రశ్న వేయకుండా.. అక్కడి నుండి లేచి వచ్చేసాను..
బయటికి వస్తుంటే అనిపించింది
"ఇంకో 500 వేస్తే 25 కేజీ రైస్ బ్యాగ్ వస్తుంది.. కుటుంబం అంతా నెల రోజులు తినే తిండి నేను ఒక్కడిని.. తినాలా ఎంత డబ్బు ఉన్నా కూడా ఎలా అలోచించినా నాకు ఆ గిన్నెడు అన్నానికి 500/- సరి కాదేమో అనిపించింది.. "..
మెట్లు దిగి కిందకి వస్తుంటే... ఎంత సర్ది చెప్పుకున్నా..ఆ బిర్యానీ ఘుమఘుమ ముక్కుని వదలటం లేదు..
నా బైక్ దగ్గర గా వచ్చి స్టార్ట్ చేయబోయాను.. ఎవరో వెనకనుంచి భుజం తట్టి నట్టు అనిపించింది...
ఎవరా అని చూస్తే..
ఒక వృద్ధ జంట.. నిలబడి ఉన్నారు..
"బాబు మేము చాలా దూరం వెళ్ళాలి.. మా పర్సు.. "
అని చెప్పబో్తుండగా..
"ఆపండి.. తెల్సులే మీ పర్సు పోయింది.. డబ్బులు ఇస్తే వెళ్ళాక తిరిగి ఇస్తారు.. అంతేగా.. ఆపండయ్యా ఎంత మంది ఇదే డ్రామా కొత్తవి ఏమైనా ఆలోచించండి.. " అన్నాను
"అది కాదు బాబు.."
" ఆపండయ్య.. వెళ్ళండి "అన్నాను బండి స్టార్ట్ చేస్తుండగా వెనక్కి చూసాను..
ఆ వృద్ధ జంట.. ఇంకొక అతన్ని అలాగే అడిగారు..
అతను చూడటానికి 20 ఏళ్ళ లోపు ఉన్నాడు.. నల్ల కళ్లద్దాలు పెట్టి.. రోడ్ సైడ్ షూ చీప్ జీన్స్.. కానీ స్టైలిష్ గా హైరస్టయిల్.. లో ఉన్నాడు..
బ్యాక్ పాకెట్ లో పర్సు తీసి.... ఒక నాలుగు వందల లో ఒక 500 నోటు తీసి మారు మాట్లాడకుండా.. తన దారి లో నడుస్తూ వెళ్లి పోయాడు....
ఏంటి ఆ డబ్బు విసిరేయటం అనే షాక్ లో ఉన్నాను నేను
వాళ్లు కూడా అతని వైపు అలాగే చేస్తున్నారు ఒక నిమిషం పాటు..
"నాలో నేను ఆలోచిస్తూ ఉండి పోయా.. నేను 500 రూపాయలు కోసం భోజనం మానేసానా.. వీడు 500/- ఏదో కాగితం లాగా విసిరేసి వెళ్లాడా.. ఆ డబ్బు కస్టపడి తేనే వచ్చిందా.. లేక ఎవరి పర్సు కొట్టేశాడా.. లేకపోతే ఇంస్టాగ్రామ్ /యూట్యూబ్ లో ఫ్రీ గా వచ్చిందా లేక అమ్మ అయ్యా జాబ్ చేస్తూ.. పిల్లలకి ఇష్టం వచ్చినట్టు డబ్బు ఇస్తున్నారే ఆ బాపత.. లేక.. లాటరీ కొట్టాడా.. లేక ఈమధ్య ప్రవచనాల్లో సాయం చేయండి అన్నది ఏమైనా విన్నాడా
ఎంత వేజీ గా డబ్బు వచ్చినా ఇతరులకి డబ్బు ఇవ్వటానికి మనసు ఉండాలి గా....
ఇంతకీ అతను చేసింది మంచి పనా చెడ్డ పనా." . అనే ఆలోచన లో నా పని మారిపోయా..
మళ్ళీ నా పని గుర్తుకు వచ్చి నా ఆఫీస్ వైపు బండి పోనిచ్చా..
-- సమాప్తం --
